Bilog nga kalibutan ang nakahibalo kun daw ano kainit subong ang gina-suprer sang mga tawo sa pila ka mga pungsod sa Europa bangud sa heatwave.
Sa France, indi lang tawo ang naga-suprer sang tuman nga kapaang kundi pati ang mga baka sa mga kaumhan.
Halimbawa, nagsaka sa 34 degrees Celsius (93 Fahrenheit) ang temperatura sa uma nanday Nicolas Joannon sa eastern city of Lyon rason nga haluson paguwaon ang mga baka agud nga makalagaw-lagaw man kuntani kag makaharab.
Bangud sini, may gin-install nga duha ka dalagku nga bentilador — 4.5 meters (ukon halos 15 feet) ini in diameter kag ginbutang sa sulod sang barn. Bangud sini maka-relax na ang mga baka — udto man ukon hapon.
Paathag ni Joannon, kun magsaka gani ang temperatura, nagaka-heat stress ang mga sapat rason nga nagagamay man ang ila nga kaon kag gamay man ang gatas nga ila ma-produce.
Apang kun maayo ang kondisyon suno kay Joannon, nagakabatak man ang ila nga production level kag nagapaguwa sang quality milk para sa ila nga consumers.
Automatic ang fan blades nga gin-install sa barn — kun nagainit, mas nagadasig ang libot sini.
Daku gid ini nga bulig suno kay Joannon bangud sensitive ang dairy cows sa temperatura. Halin 22C (71F) kag 50 percent humidity, nagatipon na ang init sa lawas kag nagakabuhinan ang milk production.
Maka-produce ang baka sang 28 to 38 liters sang milk kada adlaw apang kun ma-stress bangud sa init, posible ini nga mabuhinan sang tag-duha ka litro.
