Umpisa buwas, Hulyo 22, ipatuman na ang gun ban sa Metro Manila kag magalawig tubtub sa Hulyo 27 para sa labing-una nga State of the Nation Address (SONA) ni Presidente Ferdinand ‘Bongbong’ Marcos.
Kun basehan ang security plan, pahanugutan ang mga maga-protesta nga magpatigayon sang programa sa Quezon Memorial Circle, sa sulod sang compound sang Commission on Human Rights kag sa sulod sang UP Diliman Campus.
Gin-athag sang pulis nga bisan yara sa sulod sang designated freedom parks, ginadumilian ang pagsunog sang effigies kaangay sang ginapanghimo sang nagligad nga SONAs.
Ginsulit ang PNP ang Batasang Pambansa 880 nga gin-isyu sa panahon ni anay Presidente Ferdinand Marcos kun sa diin nakasaad nga ginadumilian ang paghimo sini nga aktibidad.
Kun indi makontrol ang protesters kag mangin bayolente, nagpaandam si PNP Officer in Charge Lt. Gen. Vicente Danao nga indi magduha-duha ang pulis sa paggamit sang water cannons.
Suno naman kay PNP director for operations Maj. Gen. Valeriano de Leon, namanduan na ang mga pulis nga ipatuman gid ang maximum tolerance sa mga raliyista.
Wala sang na-monitor nga pamahog sa seguridad sa amo nga okasyon.
Nagapanawagan man ang mga pulis nga hatagan anay sang tyansa ang presidente kag pamatian kun ano ang iya nga mangin plano.
Yara sa 22,000 ka police personnel kag force multipliers ang i-deploy para sa seguridad. ##
