ILOILO CITY – Nagpanawagan ang Samahang Basketbol ng Pilipinas (SBP) para sa unity kadungan sang pagbalik sang Gilas Pilipinas sa 2023 FIBA World Cup sa diin maga-host ang pungsod upod ang Japan kag Indonesia.
Sa isa ka statement ni SBP president Al Panlilio, nagpanawagan ini sa publiko nga suportahan ang national team sa ila pagpasakop agud nga makaporma sang competitive squad sa August 2023.
Ginpahayag niya nga ang pinakaulihi nga performance sang Gilas sa 2022 FIBA Asia Cup ang isa ka ‘disappointment’ bangud nagtapos gid lamang sa ika-siyam nga ginakabig nga Philippines’ worst in 13 years.”
Suno pa sa iya, ang training time kag player availability ang nangin dalagko nga mga problema nga kinahanglan nga solbaron sa tatlo ka FIBA World Cup Asia qualifying windows nga na-schedule sa August, November, February.
Magluwas sa tatlo ka windows, ang national team ang magapasakop man sa SEA Games sa Cambodia sa May 5-6.
Ginpahayag naman ni Gilas head coach Chot Reyes nga kun yara gid lamang si Dwight Ramos kag Ange Kouame sa national team sang nagpasakop sa Asian Cup, mas maayo kuntani ang resulta.
Ang Pilipinas ang nagpangatlo sa Group D kag naghampang sa playoff para sa quarterfinals apang nalutos sa Japan.
Magapatigayon naman sang pagsinapol ang SBP sa stakeholders sa Agosto 1 agud nga hambalan ang masunod nga himuon sang national team.
