ILOILO CITY – Ipaidalom sa gihapon sa COVID-19 alert level ang syudad kag probinsya sang Iloilo sumugod bwas nga adlaw, Agosto 1 tubtob 15.
Sa ginpagwa nga advisory sang Department of Health (DOH) nga amo ang nagapungko bilang chairman sang Inter-Agency Task Force for the Management of Emerging Infectious Diseases (IATF-EID), lakip sa mga probinsya kag syudad nga yara sa alert level 1 amo ang Aklan, Capiz, Guimaras kag Bacolod City.
Ang banwa sang Barbaza sa Antique ang gin-deescalate sa Alert level 1 nagikan sa Alert level 2.
Sa idalom sang Alert level 1, ang intrazonal kag interzonal travel ang ginapahanugutan sa tanan nga edad kag mangin may comorbidities.
Ginapahanugutan ang full on-site venue/ seating capacity sa tanan nga mga establishments sa kondisyon nga magasunod sa gihapon sa minimum public health standards.
Ang nabilin naman nga bahin sang Antique kag ang Negros Occidental ang ipaidalom naman sa Alert level 2.
Sa idalom sini, ang mga establishments kag activities ang ginapahanugutan nga mag-operate sa 50% nga capacity sa indoor kag 70% nga capacity sa outdoor.
