ILOILO CITY – Matapos ang pila ka bulan nga preparasyon, balantayan karon sa gab-i ang coronation night sang Binibining Pilipinas 2022 nga hiwaton sa Araneta Coliseum.
40 ka mga matahom nga kandidata ang magapa-indis-indis sang apat ka mga titles agud nga mag-represent sang pungsod sa Miss International, Miss Intercontinental, Miss Grand International, kag Miss Globe.
Mangin host liwat sanday Miss Universe 2018 Catriona Gray kag Miss Grand International 2016 1st runner-up Nicole Cordoves sa 58th edition edition sang Binibining Pilipinas.
Yara man sanday Miss Grand International 2020 first runner-up Samantha Bernardo kag handsome young actor nga si Edward Barber bilang supporting hosts.
Balantayan man ang pambato sang Iloilo City nga si Karen Laurrie Mendoza nagikan sa Concepcion, Iloilo.
Si Karen ang lakip sa top 5 hot picks sang pila ka mga pageant enthusiasts nga magadala pauli sang korona.
Sang nagligad nga Binibining Pilipinas, Si Karen ang nagtapos sa top 13 kag nangin trending matapos ang question-and-answer performance sa pamangkot nga “When is it okay not to be okay and when is it not okay to be not okay?”
