Nagahilapit na ang Iloilo City Government sa pagdeklarar sang state of calamity sa syudad sang Iloilo bangud sa nagasaka nga numero sang dengue.
Sa latest record sang Iloilo City Health Office, nakasaad nga 502 na ang dengue cases sa syudad halin sang Enero tubtub Hulyo 30 kag isa diri ang patay nga halin sa Molo Boulevard.
Walo naman ka barangay ang natumod nga may clustering sang kaso.
Suno kay Iloilo City Mayor Jerry Treñas, nagmandu siya nga gamiton ang tatlo ka fogging machines agud mapatigayon ang fogging sa mga eskwelahan antes pa man magbukas ang klase.
I-subject naman sa misting ang mga barangay nga may clustering kaangay sang Balabago, Calaparan, kag Calumpang.
Nagpanawagan ang alkalde sa publiko nga tinluan ang ila palibot ilabi na ang containers nga may stagnant water.
