ILOILO CITY – Padayon nga nagapanawagan ang Iloilo Provincial Government sa publiko nga padayon nga magsunod sa COVID-19 minimum health protocols kag magpabakuna sa mga wala pa nabakunahan.
Sa interview sang Bombo Radyo kay Dr. Ma. Soccoro Quiñon, pinuno sang Iloilo Provincial Health Office (PHO), iya ginpahayag nga nagasaka ang numero sang COVID-19 sa probinsya gani, nagasaka man ang average daily attack rate.
Ginapanawagan sini ang mga wala pa nabakunahan nga magpadulong na sa tagsa ka rural health unit sa kabanwahan kag subong man sa pila ka mall nga partner sang probinsya kag mismo sa Iloilo Provincial Capitol.
Ang numero sang mga nag-avail sang booster ang manubo pa sa gihapon sa subong.
May yara sang presidential directive sa vaccination strategies para sa una nga 100 ka adlaw ni President Ferdinand “Bongbong” Marcos Jr. nga ginatawag nga PINAS LAKAS campaign nga may tema nga “Sabay Tayong Babangon Magpa-booster Ngayon”.
Katuyuan sini nga malab-ot ang 90% sa una kag ikaduha nga dose sang bakuna sa priority group A2 ukon sang mga senior citizens kag 50% sa booster coverage sa general population.
