ILOILO CITY – Nag-file sang resolution ang lima ka mga senador nga nagaduso sa Senate Committee on Sports nga magpatigayon sang inquiry in aid of legislation sa mga pamaagi sa kung paano masuportahan ang Philippine men’s national basketball team nga Gilas Pilipinas.
Sanday Senator Christopher Lawrence Go, Mark Villar, Joel Villanueva, Francis Tolentino, kag Alan Peter Cayetano ang nag-file sang resolution kag nagpahayag nga ang inquiry ang maga-resulta sa pag-review kag pagbalik sang mga layi kag polisa agud nga mapasiguro ang optimal performance sang future international sports competitions kag mahatagan sang proteksyon ang welfare sang Filipino athletes.
Gin-cite man sang resolution ang pahayag sang mga fans nga kinahanglan sang Gilas ang mas mabaskog nga suporta agud nga mapanami pa ang performance sa international competitions.
Ginhalimbawa sang resolution ang silver medal finish sang team sa 31st Southeast Asian Games kag ang kapyerdehan batuk sa New Zealand kag Japan sa nagligad nga FIBA Asia Cup.
Matapos ang kalutusan sang Gilas sa pila ka international competitions, ang Samahang Basketbol ng Pilipinas ang nag-isyu sang statement nga nagapanawagan sang unity sa basketball stakeholders bilang pagpanghanda sa 2023 FIBA World Cup kung sa diin, maga-host ang pungsod kaupod ang Japan kag Indonesia.
