ILOILO CITY – Isa ka welcome development ang pagdugang ni San Miguel Corporation sports director Alfrancis Chua sa Samahang Basketbol ng Pilipinas (SBP).
Ini ang suno kay Gilas Pilipinas head coach Chot Reyes.
Suno sa iya, si Chua ang gin-appoint bilang executive advisor sang Gilas Pilipinas sa ginpatigayon nga pagsinapol kun sa diin, gintalakay ang roadmap sang national team sa 2023 FIBA World Cup.
Bilang executive advisor, si Chua ang magabulig sa masarangan niya kadungan sang pagpanghanda sang Gilas para sa world cup subong man sa Asian Qualifiers kag 2023 SEA Games.
Si Chua ang nangin key figure sa Philippine basketball nga nagserbe man bilang Barangay Ginebra team governor sa PBA kag nangin consistent supporter sang Colegio de San Juan de Letran sa NCAA.
