Ginapatutukan na ni Iloilo City Mayor Jerry Treñas ang natabo nga pagpangluthang sa Tacas, Jaro, Iloilo City sa diin duha ka engineer kag apat ka iban pa ang ang pilason.
Sa interview sang Bombo Radyo kay Treñas, iya ginpahayag nga santo sa iya nabaton nga impormasyon, lunsay riding in tandem ang mga suspek.
Suno kay Treñas, dako ang mabulig sang closed circuit television (CCTV) sa pagsolbar sang nasambit nga kaso.
Ginmando naman sang alkalde sa Iloilo City Police Office (ICPO) ang tutukan sang maayo ang kaso agud madakpan gilayon ang mga suspek.
Magapatuman naman sang mobile checkpoint ang ICPO suno sa alkalde agud indi na masulit pa ang kaangay nga insidente.
Ginpasalig man sang alkalde nga indi siya mag-untat sa pagtutok sa kaso tubtub indi madakpan ang mga suspek.
