Ginapuntariya sang pageant fans sa Thailand si Miss Universe Philippines 2022 Celeste Cortesi.
Ini kasunod sang Facebook post sang isa ka Thai pageant fan page nga Talkmissthailand kun sa diin ginpakita ang photoshopped ukon edited photo ni Celeste sang nagdaog ini bilang Miss Philippines Earth Italy sang 2018 kag ang isa pa ka litrato amo ang iya pagdaog bilang Miss Universe Philippines 2022.
May caption ini nga “Glow-Up: Amazing transformation of Miss Universe Philippines 2022, Silvia Celeste Cortesi by Philippines Clinic.”
May yara man sang edited before-and-after photos sang beauty queen nga gin-label pa bilang “Miss Surgery Philippines 2022.”
Wala pa ini diri natapos natapos bangud may pictures pa gid nga magkaupod si Celeste kag ang TV host nga si Willie Revillame nga may hashtag “MissingYouDaddy” sa caption.
Madasig man ang fans sang Filipino-Italian pageant titleholder sa pag-depensa sa iya nga pangalan.
Sa tunga sini, nangin graceful naman ang sabat sang reigning Miss Universe Philippines sa isyu.
Ginpahayag sini nga nakit-an niya ang edited photos, nabasa niya ang mga insulto kag ang mga pagpamahog.
Gintawag niya ini bilang “unnecessary cyberbullying” kag nagalaum siya nga mabuhinan ini kag matapna.
Sa statement sang beauty queen, gin-engganyo man sini ang iya fans nga indi gid magsabat kag indi man magpatol.
Sa baylo, mas maayo suno sa iya nga gamiton ang hashtag nga #kindnesscampaign agud malikawan ang “any form of hate.” ##
