Ginapahayag nga sa Oktubre 8 na subong nga tuig naka-schedule ang rematch sa tunga sang Pinoy boxer nga si Jerwin Ancajas kag sang IBF world super flyweight champion nga si Fernando Martinez.
Sandig sa reports, patigayunon ini sa Los Angeles.
Si Ancajas ang former IBF world super flyweight champion kag nadula ang iya nga world title sang ginlutos siya sang nasambit nga Argentinian Olympian sang nagligad nga Pebrero paagi sa 12-round unanimous decision.
May rekord nga 33-2-2 with 22 knockouts si Ancajas kag siyam ka beses nga na-depensahan ang iya nga titulo antes ginpierde ni Martinez nga may yara naman sang unbeaten record nga 14-0 with 8 knockouts. ##
