ILOILO CITY – Dugangan pa sang Barangay Tanza Esperanza, Iloilo City ang seguridad kasunod sang kahangawa sang mga residente sa nagasulod nga mga indi kilala nga mga personalidad.
Kung matandaan, ang Barangay Tanza Esperanza kag Bakhaw sa Mandurriao ang nag-request sang police deployment ang duha ka barangay sa syudad sang Iloilo bangud sa reports nga may mga durugista nga nagapangsulod sa ila nga mga lugar ilabi na kun gab-i.
21 ka mga pulis ang magabulig bantay para sa seguridad sang mga pumuluyo.
Sa interview sang Bombo Radyo kay Punong Barangay Wilbur Orada, iya ginpahayag nga ang tanan nga mga magasulod sa lugar ang dapat nga magsulat sang pangalan kag pangalan sang ila kadtuan kag magpakita sang ID.
Sa tion nga wala sang ID, ipatawag ang tawo nga ila nga kadtuan agud nga ma-verify ang ila nga identity.
Ang tanan nga mga barangay kagawad ang ma-duty sa outpost upod sa mga barangay tanod kag mga pulis.
Hingyuon man nila ang kaipi nga barangay nga kaangay nila, kontrolon man ang tanan nga nagasulod sa ila.
