Nagsaka pa ang numero sang mga Pinoy nga wala sang trabaho sa bulan sang Hunyo ipaanggid sa numero sa bulan sang Mayo subong nga tuig.
Sa data nga ginpaguwa sang Philippine Statistics Authority (PSA), may yara sang 2.99 million unemployed Filipinos sa Hunyo nga 62,000 nga mas mataas sa 2.93 million nga rekord sang Mayo.
Ini nga figure ang katumbas sang unemployment rate nga 6.0% nga amo man ang rekord sang Mayo.
Apang ini nga numero ang mas manubo na ipaanggid sa Hunyo 2021 kun sa diin 7.7% ang unemployment rate.
Ang mga Pinoy naman nga may trabaho sa bulan sang Hunyo ang yara sa 46.59 million ukon 508,000 nga mas mataas sa 46.08 million sa Mayo, kag 1.52 million nga mas mataas sa 45.08 million nga rekord sa Hunyo 2021.
Sang Mayo subong nga tuig, 94.0% man ang employment rate. Wala ini sang pagbag-o sa Hunyo suno sa PSA. Mas mataas naman ipaanggid sa 92.3% sa amo man nga bulan sang nagligad nga tuig. ##
