Labi pa nga nagataas ang kahangawa kaangot sa preparasyon ni four-time Grand Slam champion Naomi Osaka para sa nagahilapit nga US Open matapos nga napilitan ini nga mag-withdraw sa opening match sang Canadian Open bangud sa gin-suprer nga lower back pain.
Naghilibion ang nasambit nga Japanese star samtang nagapanugiron nga nabatyagan niya ang sakit sa iya likod sa umpisa pa lang sang hampang.
Ang Estonian tennis player nga si Kaia Kanepi ang magapadayon sa tennis match bangud sa pag-withdraw ni Osaka.
Antes sini, nakaatras man si Osaka sa semifinals sang Melbourne Summer Set 1 tournament sang Enero bangud sa abdominal injury.
Sa Italian Open kag Wimbledon, wala man siya nakahampang bangud sa Achilles injury.
Sang nagligad nga semana sa Mubadala Silicon Valley Classic, ginlutos siya ni world No. 11 Coco Gauff sa quarterfinals. ##
