ILOILO CITY – Nagdangat na sa lima ang nagkalamatay bangud sang leptospirosis sa probinsya sang Iloilo.
Sa interview sang Bombo Radyo kay Dr. Ma. Soccoro Quiñon, head sang Iloilo Provincial Health Office (IPHO), iya ginpahayag nga base sa data, as of August 6, nagdangat sa 34 ang kaso sang leptospirosis sa probinsya lakip na ang mga nagkalamatay.
Ang record ang mas manubo sang 53% sang kaso sa amo man nga period sang nagligad nga tuig.
Sang 2021, may yara sang na-record nga 72 ka kaso lakip na ang lima nga napatay.
Ang mga nagkalamatay subong nga tuig ang nagikan sa banwa sang Banate, San Miguel, Lambunao, Carles kag Concepcion.
Nagpanawagan naman si Quiñon sa publiko nga likawan ang pag-ubog sa mahigko nga tubig ilabi na kun may pilas.
