ILOILO CITY – Ginpahayag sang Germany’s world number two nga si Alexander Zverev nga nagapangatubang siya sang kabudlay para sa US Open bangud sang iya injury sa torn ankle ligaments sa French Open.
Nagbalik lamang sa pag-ensayo si Zverev sang nagligad nga Domingo pagkatapos sang injury sa semi-final batuk kay Spanish tennis star Rafael Nadal sa Roland Garros sang bulan sang Hunyo.
Na-injure ang iya buku-buko matapos ang tatlo ka oras nga hampang batuk kay Nadal.
Nagbiya siya sa court nga nakasakay sa wheelchair kag nagbalik nga naka-crutches samtang nga emosyonal sa pag-anunsiyo sang iya pagretiro.
Suno sa Tokyo Olympic champion, tinguhaan niya nga maghampang sa US Open apisar sang tuman ka nubo nga tyempo.
Sang nagligad nga semana, ginpahayag ni Zverev nga nagasuprer siya sang type 1 diabetes.
Ang katapusan nga Grand Slam ang magasugod sa New York sa Agosto 29.
Sa tion nga magbalik sang mas temprano ang Flushing Meadows, nagatuyo si Zverev nga magbalik sa group phase sang Davis Cup sa Setyembre 13 tubtub 18 batuk sa France, Belgium kag Australia sa iya lugar nga Hamburg.
