Ginalantaw nga sa Lunes na ang tentative date sang turn-over of command sa Police Regional Office- 6 may kaangtanan sa pagpungko sang bag-o nga Regional Director.
Pagabuslan ni Police Brigadier General Leo Francisco si Police Brigadier General Flynn Dongbo bilang Regional Director sang PRO-6.
Sa interview sang Bombo Radyo kay Police Lieutenant Colonel Arnel Solis, spokesperson sang PRO-6, iya ginpahayag nga sa subong yara pa sa Camp General Martin Delgado ang outgoing regional director nga si Dongbo.
Nahibaluan nga si Dongbo ang nagpungko bilang Regional Director sang PRO6 sa sulod sang siyam ka bulan.
I-assign naman siya sa logistics sa National Headquarter sa Camp General Rafael Crame.
Suno kay Solis, ginalauman nga may mga matag-as nga opisyal sang Philippine National Police (PNP) nga matambong sa turn-over of command.
Gin-athag ni Solis nga ini nga reshuffling ang kabahin lang sang pag-improve sang nasambit nga mga police officials sa ila nga career.
Nahibaluan nga naghalin sa National Capital Region (NCR) kag nagserbe nga Manila Police District Director si Francisco.
Ang reshuffling sang mga opisyal sa PNP nga ginpatuman sang bag-o nga PNP Chief nga si Police Gen. Rodolfo Azurin.
