ILOILO CITY – Lauman sang mga kunsumidor ang pagsaka sang electric bills sa masunod nga mga binulan.
Ini matapos nga gin-aprubahan sang Energy Regulatory Commission (ERC) ang petition sang National Power Corp. (Napocor) nga i-rcover ang P2.6 billion worth sang kapyerdehan sa rural electrification subsidy sang 2012.
Sa resolution nga napetsahan sang Agosto 4, gin-resolve sang ERC ang pag-grant sanh final authority sa petition sang Napocor nga mag-recover sang kapyerdehan sa Universal Charge-Missionary Electrification (UC-ME) Subsidy sang 2012 nga nagabalor sang P2,606,208,364.83 nga may equivalent rate nga P0.0239 per kilowatt-hour (/kWh).
Bangud sini, ang regulatory board ang nagmandu sa tanan nga distribution utilities (DUs) kag National Grid Corp. of the Philippines nga magkolekta sa mga kunsumidor sang UC-ME true-up rate nga P0.0239/kWh magluwas sa existing UC-ME basic rate nga P0.1561/kWh sa sulod sang 12 ka bulan ukon tubtob nga mabawi ang full amount.
Ang DUs kag ang NGCP ang ginamanduan nga mag-remit sang kwarta nga na-recover sa Power Sector Assets and Liabilities Corp. (PSALM) on or before sang ika-15 nga adlaw sang mga masunod nga mga binulan.
Ginmanduan man sang ERC ang PSALM nga mag-disburse sa Napocor sang aprubado nga UC-ME recovery nga nagasanto sa true-up adjustment mechanism.
Samtang, ginmandu-an man sang ERC ang PSALM nga mag-monitor kag mag-report sang progress sa collection kag disbursement sang true-up kag basic UC-ME agud nga ma-distinguish ang cash flow sa tagsa ka approved UC-ME rates.
