ILOILO CITY – May yara sang gamay nga pagsaka sa presyo sang pila ka basic necessities and prime commodities.
Sa interview sang Bombo Radyo kay Felisa Judith L. Degala, director sang Iloilo Provincial Office sang Department of Trade & Industry (DTI), iya ginphayag nga epektibo ang paghulag sang SRP sang Agosto 12 kadungan sang paggwa sang SRP sa mga school supplies.
Suno kay Degala, 67 sa 218 ka mga items sa SRP bulletin ang na-aprubahan nga pasakaan sang presyo nga nagdangat sa 1-6 percent magluwas sa walo ka mga items nga nagsaka sang 7-10 percent.
Yari ang pila sa mga ginpasakaan sang presyo:
canned sardines kag tomato sauce- P1.00- P1.18
processed milk- P1.25- P4.00
kape- P0.40- P2.75
instant noodles- P2.00-P0.30
detergent- P1.22
processed canned meat- P1.29-P1.38
processed canned beef- P1.38
condiments- P0.40- P1.70
Pahayag dugang ni Degala, amo pa lamang ini ang na-aprubahan kag magadepende sa mga manufacturers kun ano ang ila rason sa ila nga proposal.
Masami nga rason sang pagpataas sang presyo amo ang pagsaka man sang presyo sang raw materials sa global market.
