ILOILO CITY – Patay ang isa ka iloy samtang pilason ang iya bata matapos nga nakuryente sang na-igo sang kilat ang antenna sang TV sa Sitio Caban-Caban, Barangay Cag-an, Anilao, Iloilo.
Ang napatay amo si Angelie Complisa, 43, residente sang nasambit nga lugar.
Ang pilason amo ang iya bata nga si alyas Joy, 13.
Sa interview sang Bombo Radyo kay Police Lieutenant Jersey Besas, officer in charge sang Anilao Municipal Police Station, iya ginpahayag nga tabunan kuntani sang iloy ang ila nga TV apang naigo sang kilat ang antenna sini.
Nakuryente ang iloy nga gintuna-an sang iya kamatayon.
Ginhingagaw pa dala sa ospital ang iloy apang wala na natabangan pa.
Nagapabilin man subong sa ospital ang iya anak.
