Nag-champion ang Iloilo Paddlers Club sa Mandani Bay Dragon Boat Regatta 2022 nga ginpatigayon sa Mandaue City, Cebu.
Sa interview sang Bombo Radyo kay Rafael Dorilag, coach sang Iloilo Paddlers Club, iya ginpahayag nga bangud sa pagpati nila sa ila ikasarang, pagbuligay sang teammates, kag pagtutok sa training, nakuha nila ang kampyonato.
Suno kay Dorilag, ang Dragon Boat race ang may apat ka mga categories nga ginalakipan sang:
- Open Small Boat Category
- Womens’s Small Boat Category
- Mixed Standard Boat Category kag
- Mixed Masters Small Boat Category sa diin ginkilala sila nga Champion.
Nangin dako nga bulig suno sa natungdan ang ila training sa Iloilo River sa Esplanade.
Ang event ang gin-organized sang Philippine Accessible Disability Services Incorporated nga nagdala naman pauli sang madamo nga gold medals sa prestiyoso nga International Dragon Boat Federation 13th Club Crew World Championships sa Sarasota, Florida, USA.
Ang Dragon Boat Race ang ginpasakupan sang 55 ka mga teams nagikan sa nagkalain-lain nga bahin sang Pilipinas nga amo ang ginakabig bilang isa sa pinakadako nga dragon boat races sa pungsod subong nga tuig.
