Matapos ginkamasaan ang Syria paagi sa 64-puntos nga abanse sa 2022 Fiba Under-18 Asian Championship, nag-arangka liwat ang Gilas Pilipinas Youth kag ginlampaso ang Qatar, 77-61.
Wala sa gihapon sang pyerde ang Gilas sa hinampang nga ginapatigayon sa Azadi Basketball Hall sa Tehran, Iran.
Nanguna si Mason Amos sa Gilas paagi sa iya 19 points kag seven rebounds. Nakaamot naman si Jared Bahay sang 15 points, three boards, kag three assists.
Kasunod sini nga ikaduha nga kadalag-an, patas na ang Gilas sa Chinese Taipei sa top spot sa Group C.
Mentor sang Gilas si Josh Reyes nga amo man ang nag-coach sa U16 team nga nagpang-pito sa pagbalik sang Asian youth tilt sang nagligad nga bulan sa Doha, Qatar.
