ILOILO CITY – Istrikto nga ipatuman sang Mandurriao Police Station ang Executive Order No. 049 nga ginpagwa ni Iloilo City Mayor Jerry Treñas nga nagapahunugot sang pagserbe sang makahulubog nga ilimnon sa syudad humalin las-otso sa aga tubtob alas-dos sa aga sa masunod nga adlaw.
Ini ang kasunod sang natabo nga shooting incident sang nagligad nga weekend sa Smallville Complex sa Barangay San Rafael, Mandurriao, Iloilo City.
Patay si Sean Axel Del Castillo matapos nga ginluthang ni John Rovel Vargas nga nagapabilin sa gihapon nga at-large.
Sa interview sang Bombo Radyo kay Police Major Rey Sumagaysay, station commander sang Mandurriao Police Station, iya ginpahayag nga pag-abot sang alas-dos sa aga, ang tanan nga mga ilimnon nga makita nga ginaserbe sang mga balay ilimnon ang gilayon nga i-confiscate kag dal-on sa police station.
Base sa executive order sang alkalde, ang madakpan nga nagalapas sang amo nga mandu ang mahimo nga magapangatubang sang kaso kriminal, administratibo, civil sanctions kag penaties kag mahimo nga mapasirado.
