ILOILO CITY – Sulod na sa quarterfinals ang Pilipinas sa nagapadayon nga preliminary round sang AVC Cup for Women sa Philsports Arena.
Ini matapos nga nalutos sang Pilipinas ang South Korea pinaagi sa score nga 25-18, 25-13, 25-17.
Si Tots Carlos ang may 12 points kag 2 blocks samtang si Jema Galanza ang may yara sang 11 points.
Gintapos sang Pilipinas ang Pool A campaign nga may 2-2 record kag tinguha-an nga makuha ang ikatatlo nga pwesto sa masunod nga hampang kun sa diin, makasumpong nila ang Thailand.
Malipayon naman sa resulta si Coach Sherwin Meneses nga kabahin sang coaching staff sang national men’s volleyball team nga nakakuha sang historic silver medal sa 30th Southeast Asian Games sang 2019.
