May tyansa ang Pilipinas nga makatapos sa pang-lima nga pwesto sa 2022 Asian Volleyball Confederation (AVC) Cup for Women.
Ini matapos ginlutos sang Philippine women’s volleyball team ang Australia sa five-set thriller sa PhilSports Arena sa Pasig City, 21-25, 25-19, 19-25, 25-18, 15-12.
May 26 puntos nga nakuha si Tots Carlos samtang may 18 points naman si Jema Galanza.
Ang kadalag-an batok sa Australia ang kasunod man sang kalutusan sang Pilipinas batok sa Thailand sa quarterfinals.
Sunod nga atubangon sang pungsod para sa pang-lima nga pwesto ang Chinese Taipei ‘la una karon sa hapon.
Kun magdaog ang Pilipinas sa sini nga hampang, ini ang makabig nga best finish sang pungsod sa nasambit nga tournament — kasunod sang pang-siyam nga pwesto sang pag-umpisa sini sa 2018 edition sa Thailand.
Samtang, China naman kag Japan ang maga-atubangay para sa gold medal match sa ‘las syete karon sa gab-i.
Defending champion ang China kag target nga makuha ang ikaanum nga titulo sa tournament.
Target naman sang Japan nga makakuha sang labing-una nga gold sa AVC Cup.
