ILOILO CITY – Ginpili ni President Ferdinand Marcos Jr. si Jose Emmanuel Eala bilang bag-o nga chairman sang Philippine Sports Commission.
Ginpirmahan ni Marcos ang appointment ni Eala kahapon, Agosto 30 base sa ginpakita sang Palasyo.
Buslan niya ang ginbayaan nga pwesto ni William “Butch” Ramirez.
Antes nangin PBA commissioner, si Eala ang isa ka anay abogado kag nagserbe nga play-by-play commentator sang Viva Vintage Sports nga nag-broadcast sang Philippine Basketball Association (PBA) sang 1990s.
Sang 2002, nangin 6th commissioner ini sang PBA.
Sang 2007, gin-disbar ini sang Supreme Court bangud sang extramartial affair.
Ang amo nga desisyon ang nagtulod sa PBA board nga magboto pabor sa pagkakas kay Eala bilang commissioner apang gin-unahan niya ini sang resignation.
Ginporma ni Eala ang regional league nga Liga Pilipinas antes nangin SBP executive director.
Sang late 2000s, si Eala ang nangin sports director sang San Miguel Corporation antes nagsaylo sa infrastructure division.
Antes ang appointment, si Eala ang nagapadalagan man sang isa ka sports show.
