ILOILO CITY – Naga amat-amat na recover ang 15 ka mga residente sang Barangay Calaparan, Arevalo nga na-igo sang acute gastroenteritis (AGE).
Sa interview sang Bombo Radyo kay Barangay Kagawad Rodrigo Montaño, iya ginpahayag nga kalaban sa mga nagpositibo amo ang mga kabataan.
Suno kay Montaño, posible nga nagikan sa mga bubon ang amo nga balatian.
Sa ila barangay, ang bubon ang masami nga ginakuhaan sang tubig sa adlaw-adlaw nga pangginawi.
May yara sang sample sang tubig nga nagpositibo sa bacteria kag ang iban ang under observation pa.
Dugang pa niya, wala pa sila sang linya sang Metro Pacific Iloilo Water (MPIW).
Nagalaum naman sila nga sa labing madali nga panahon, matakdan man sila sang linya sang tubig agud nga indi na magsalig sa tubig.
