ILOILO CITY – Nagapati si Philippine Sports Commission (PSC) Chairman Noli Eala nga ang pag-modernize sang Project Gintong Alay program ang maga-produce pa sang madamo nga Olympic gold medalists kag world champions kaangay kay Hidilyn Diaz kag Carlos Yulo.
Nagaplano si Eala nga ibalik ang nasambit nga successful godfather sports program sang 1980s kun sa diin, ang mga private sectors ang imbolbado sa training kag participation sang mga maayo nga mga atleta.
Apang sa masobra sa 50 ka mga national sports associations sa subong kun ikumpara sa pila lang sang nagligad nga mga dekada, ginpahayag ni Eala nga ang katuyuan subong amo nga magahingyo sang pondo nagikan sa private funding nga ipaagi sa pila ka specific programs nga ginhimo sang PSC.
Ini ang ginalakipan sang basic infrastructure kag science-based technology nga magaresulta sang winning formula para sa sports.
