ILOILO CITY – Balantayan subong nga adlaw ang trilogy fight sa tunga nanday Mexican boxing star Canelo Alvarez kag Gennady Golovkin nga hiwaton sa T-Mobile Arena, Las Vegas, Nevada.
Madamo sa gihapon sang mga odd bettors nga nagapabor sa Mexican star nga magadaog sa ikatatlo nga pag-atubangay nila ni Golovkin.
Ini bangud nga apisar nga madamo ang buy-an nga punches ni Golovkin, indi sa gihapon matupungan ang punching power ni Alvarez para sa ila super middleweight championship game.
Kung madumduman, sang 2017 sang una nga nag-atubangay ang duha, nagresulta sa split draw ang sambuwa kag sang rematch sang 2018, ginlutos ni Alvarez si Golovkin pinaagi sa majority decision.
Si Alvarez ang may 57 ka mga daog, duha ka pyerde, duha ka draw kag may 39 ka mga knockout wins samtang si Golovkin naman ang may yara sang 42 ka mga kadalag-an, isa ka pyerde kag 37 ka mga knockout wins.
Sulod naman sa weigh-in ang duha kun sa diin, si Golovkin ang may yara sang 167.8 pounds samtang 167.4 naman ang Mexican boxing star.
