ILOILO CITY – Padayon nga naganubo ang kaso sang dengue sa probinsya sang Iloilo.
Sa latest nga data sang Iloilo Provincial Health Office, sa Septyembre 4- Septyembre 10 nga morbidity week, may yara gid lamang sang na-record nga 44 ka mga kaso nga malayo sa nagligad nga morbidity week kun sa diin, nagdangat sa 78 ang kaso sang dengue.
Sa kabilugan nga data, may yara sang 2, 349 ka kaso sang dengue sa probinsya sang Iloilo as of September 10.
Sa amo nga numero, 20 ang mga nagkalamatay.
Sa interview sang Bombo Radyo kay Dr. Ma. Soccoro Quiñon, head sang Iloilo Provincial Health Office, iya ginpahayag nga magluwas sa pagnubo sang kabilugan nga kaso, nagnubo man ang numero sang mga barangay nga may na-record nga clustering of cases.
Padayon man ang pagpahanumdom ni Quiñon sa publiko nga maghalong gid batuk sa dengue.
