ILOILO CITY – Nagpanugyan ang Department of Health Region VI sa publiko nga ipabilin ang katinlo sa kaugalingon agud nga malikawan ang pag-angkon sang acute gastroenteritis.
Sa interview sang Bombo Radyo kay Dr. Jessie Glen Alonsabe, pinuno sang Regional Epidemiology Unit, iya ginpahayag nga dapat nga mangin matinlo sa kaugalingon kag siguraduhon nga ang tubig ang indi contaminated.
Dapat man nga chekyaron ang ginahalinan sang tubig nga ginagamit kag ang pagproseso sang ginakaon.
Ang ginakuhaan sang tubig ang dapat nga ipaidalom sa regular nga examination agud nga masiguro nga matinlo.
Ang mga food vendors naman ang dapat nga wala sang may ginasuprer nga masakit kag matinlo ang paghanda sang ginabaligya nga pagkaon.
Padayon man ang coordination sang ahensya sa mga local government units.
