Padayon pa ang imbestigasyon sang Molo Police Station may kaangtanan sa pagbilin sang granada sa isa ka tyangge sa Zone 3, Barangay San Juan, Molo, Iloilo City.
Ang tyangge ang ginapanag-iyahan ni Rochelle Padrones apang hinablos niya ang nagabantay sang nag-abot ang duha ka wala makilal-an nga suspek kag nagbilin sang granada.
Sa interview sang Bombo Radyo kay Police Staff Sergeant James Perver Pano, iya ginpahayag nga ang ginatutukan subong sang imbestigasyon amo nga posible nga pagtimalos ang motibo.
Suno sa record sang kapulisan, ang tag-iya sang tyangge ang anak ni Celeno Padrones nga may record nga pagpangawat.
Ang tiyo sang biktima ang nadakpan man sa drug buy bust operation sang 2016.
Padayon man ang pag-review sang mga footages nga kuha sang closed-circuit television.
Ang mga suspek naman ang indi makilala sang mga witnesses bangud nga nakasuksok ini sang full-faced nga mask kag may bonet, naka-jacket sang itom kag nakadilargo.
