ILOILO CITY – Kadungan sang pagbubo sang mabaskog nga ulan sa syudad sang Iloilo, ginlubong si Mark Clarenz Libao nga isa sa mga biktima sa Estancia massacre.
Ini apisar nga wala pa sang may ginpasakaan sang kaso sa amo nga krimen nga natabo sang Septyembre 14 sang kaagahon sa Barangay Villa Panian, Estancia, Iloilo.
Sa bahin naman sang pamilya ni Libao, suno sa iya tiya, tuman ang ila nga pagpasalamat sa tanan nga nagpakita sang pagpalangga.
Kun madumduman, ginpatay si Libao upod sa duha pa niya ka abyan nga sanday Jan Paul Mark Bosque kag Chrysler Floyd Fernandez nga lunsay man taga-syudad sang Iloilo.
Nakaluwas kag wala sang bisan isa nga pilas ang isa pa nila ka abyan nga si Jevron Parohinog nga boluntaryo nga nagpa-custody sa Estancia Municipal Police Station.
