ILOILO CITY – Maga-intra na ang Iloilo City government sa tanan nga mga proyekto sang Department of Public Works and Highways Region 6 sa syudad.
Sa interview sang Bombo Radyo kay Joel Gerasmia, Electrical inspector II kag Vice Chairman sang Task Force Boltahe, iya ginpahayag nga sa ginpatigayon nga pagsinapol ni Iloilo City mayor Jerry Treñas sa ahensya, nahisugtan nga ang syudad pinaagi sa Iloilo City Engineer’s Office ang mangin kabahin sang mga proyekto sang Department of Public Works and Highways Region 6.
Suno kay Gerasmia, ang City Engineer’s Office ang maga-coordinate kag magabulig sa ahensya lakip na ang pag-utilize sang mga engineers.
Sa ginatukod nga mga flyover, mahimo man nga magbulig ang syudad pinaagi sa pagpatigayon sang inspection.
Gin-athag ni Gerasmia nga indi lang sa Ungka Flyover magabulig ang syudad kundi sa tanan nga proyekto nga tukuron sang Department of Public Works and Highways Region 6 sa jurisdiction sang Iloilo City.
