Magakit-anay ang actor-host nga si Vhong Navarro kag ang model nga si Deniece Cornejo sa korte sa Taguig City para sa arraignment sa kaso nga rape nga gin-file sang model batok sa aktor.
Naka-schedule ang hearing karon sa hapon sa Taguig Regional Trial Court Branch 69.
May yara man sang separado nga kaso sang acts of lasciviousness nga gin-file si Cornejo batok kay Vhong ukon Ferdinand Navarro.
Suno kay Atty. Alma Mallonga, legal counsel ni Navarro, himuon sang kampo ang tanan nga legal means para sa dismissal sang kaso batok kay Vhong.
May yara sang motion nga gin-file sa Korte Suprema nga nagatuyo nga untaton ang proceedings sa trial court bangud sa kakulangan sang legal basis.
Madumduman nga gin-akusaran ni Deniece ni Vhong nga nag-rape sa iya sa sulod sang iya nga condominium unit sang Enero 22, 2014.
Sang Septyembre 19, nagsurrender si Vhong sa National Bureau of Investigation matapos nga nagpaguwa ang Branch 116 sang Taguig Metropolitan Trial Court sang warrant of arrest sa acts of lasciviousness case nga ginfile man ni Deniece sang 2014.
Nagbayad si Vhong sang P36,000 para sa temporaryo nga kahilwayan, apang wala pa diri natapos bangud napilitan si Vhong nga magpabilin sa kustodiya sang NBI bangud may isa pa ka arrest warrant nga naguwa nga amo ang kaso sa rape nga gin-isyu sang Taguig Regional Trial Court Branch 69 kun sa diin wala sang gina-rekomendar nga pyansa.
