ILOILO CITY – Nagpatigayon sang surprise drug testing ang Iloilo Police Provincial Office sa mga hepe sa mga banwa sa probinsya kag sa personnel sang mga opisina sa provincial headquarters.
Ini ang ginpatigayon kadungan sang ginhiwat nga pinakauna nga command conference sang Iloilo Police Provincial Office.
Sa interview sang Bombo Radyo kay Police Colonel Noel Aliño, director sang Iloilo Police Provincial Office, iya ginpahayag katuyu-an sang amo nga drug testing nga madula ang intriga sa mga kapulisan ilabi na sa mga hepe kag mapakita sa publiko nga wala sila nagagamit sang iligal nga droga.
Samtang, sa ginpatigayon nga command conference, gin-reiterate sang provincial director ang programa sang regional director kag sang hepe sang Philippine National Police.
Ginmandu-an man niya ang mga hepe nga indi magtinamad kag dapat nga ipabilin ang dedikasyon sa trabaho.
