ILOILO CITY – Wala pa sa gihapon nakasaylo ang mga vendors sa Jaro Big Market sa ila temporaryo nga stall.
Ini bangud nga wala pa natapos ang pag-install sang linya sang kuryente.
Sa interview sang Bombo Radyo kay Maricel Mabaquiao, head sang Local Economic and Enterprise Office, iya ginpahayag nga tubtob pa sa katapusan sang bulan ang schedule sang pag-transfer sang mga vendors.
Sa Nobyembre 3 na gub-on ang amo nga merkado agud nga masuguran na ang renovation.
Samtang, sa Arevalo, La Paz kag Mandurriao Public Market, nakasaylo na ang mga vendors sa temporary stalls magluwas gid lamang sa wet section sang La Paz Public Market.
Ginatinguhaan sang syudad nga malikawan ang pagbaha sa mga temporary stalls pinaagi sa pag-elevate sang mga salog kag pagkay-o sang drainage systems.
May yara naman sang source sang tubig kag suplay sang kuryente.
Ang nag-transfer nga mga vendors ang lunsay rehistrado nga stall owners.
