Nagtaliwan na ang APO Hiking Society member nga si Danny Javier sa edad nga 75.
Ang iya anak nga si Justine Javier Long ang nagkumpirma sang masubo nga balita, kag nagpahayag nga napatay ang iya amay bangud sa kumplikasyon sa iya madugay na nga balatian.
Isa si Danny sa nagtib-ong sang Original Pilipino Music ukon OPM movement sang ’70s kaupod ang iya Apo Hiking Society bandmates nga sanday Boboy Garrovillo kag Jim Paredes.
Bantog sila sa mga kanta nga “Nakapagtataka,” ‘Batang bata ka pa”, ”Pumapatak ang Ulan,” “Kabilugan Ng Buwan,” “Panalangin,” “Prinsesa,” “Saan Na Nga Ba Ang Barkada,” kag madamo nga iban pa.
Antes sini, may reports na nga diutayan lang nga napatay si Danny sang 2011 bangud sang madamo nga balatian kaangay sang pneumonia, kidney failure, liver collapse, hepatitis A, emphysema, congestive heart failure kag sepsis.
