ILOILO CITY – Arestado ang Top 8 most wanted person sa bilog nga rehiyon matapos nga ginserbehan sang warrant of arrest sang gintingub nga pwersa sang Regional Intelligence Division- Region VI, Janiuay Municipal Police Station, La Paz Police Station kag Molo Police Station sa Zone 1, Barangay North Baluarte, Molo, Iloilo City.
Ang subject amo si Jed Obeja, 22, residente sang Barangay Caraudan, Janiuay, Iloilo apang temporaryo nga nagatinir sa distrito sang Molo.
Sa interview sang Bombo Radyo kay Police Major Mary Grace Borrio, spokesperson sang Police Regional Office VI, iya ginpahayag nga si Obeja ang may yara sang kaso nga rape nga ginkomitir sang Hulyo 2021.
Ginapahayag nga isa ka 15 anyos nga menor-de-edad ang ginhimuslan ni Obeja.
Sa subong, ang suspek ang preso na sa Molo Police Station.
