ILOILO CITY – Padayon pa ang imbestigasyon sang Oton Municipal Police Station may kaangtanan sa paglapta sang peke nga kwarta.
Sa Oton Public Market may duha ka mga vendors nga nabiktima sang amo nga pagpanunto.
Sa interview sang Bombo Radyo kay Police Major Fernand Limbungan, hepe sang Oton PNP, iya ginpahayag nga wala man sang ideya ang duha ka mga vendors kun sang san-o gingamit ang peke nga kwarta sa pagbakal sa ila.
Nahibaluan lamang nila ini sang nagpangumpra ang isa sa syudad sang Iloilo.
Wala pa sang person of interest ang kapulisan ilabi pa nga wala naga-andar ang closed circuit television sa pila ka bahin sang merkado.
Natigayon nga mabakal sang manugtunto ang isa ka P1, 000 nga bill kag duha ka tig-P500 nga bill.
