Gin-anunsyo sang Binibining Pilipinas Charities, Inc. (BPCI) nga indi na ini mag-renew sang franchise sa Miss Grand International (MGI) pageant.
Wala sang ginhatag nga rason kun ngaa maga-withdraw ang Pilipinas sa amo nga pageant, apang nagpasalamat man ang BCPI sa MGI organizers kag nag-wish sang “best” para sa future endeavors sang organisasyon.
Halin sang nag-umpisa ang MGI sang 2013, wala pa sang Filipina beauty queen ang nakakuha sang golden crown.
Ang highest placing sang Pilipinas sa amo nga pageant amo ang 1st runner-up nga lunsay nakuha nanday Nicole Cordoves sang 2016 kag Samantha Bernardo sang 2021.
Para sa 2022 pageant, ginpadala sang Pilipinas si Roberta Tamondong nga nagtapos sa Top 20. Sang ulihi, may kontrobersiya nga natabo matapos nga nag-resign ang isa sa original placers kag sunod nga gin-appoint si Roberta bilang bag-o nga fifth runner up.
Ginpaathag man sang BPCI nga padayunon sini ang pag-produce sang world-class pageants nga magatib-ong sang pangalan sang Pilipinas sa international stage.
Bangud sa sini nga withdrawal, ang nabilin na lang nga korona sa Binibining Pilipinas amo ang Miss International Philippines, Miss Globe Philippines, kag Miss Intercontinental Philippines.
Sang December 2019, ginkumpirma sang BCPI nga lain na nga organisasyon ang naga-uyat sang Miss Universe Philippines crown.
