Pangunahan nanday Kai Sotto kag naturalized player nga si Ange Kouame ang Gilas Pilipinas para sa fifth window sang FIBA World Cup Asian Qualifiers.
Magahampang ang national squad batok sa Jordan sa Nobyembre 11 kag batok sa Saudi Arabia sa Nobyembre 14.
Maga-join si Sotto sa team sa Middle East bangud ginahikot pa subong ang final details para sa iya nga accommodation.
Magaupod man ang mainstays sang team nga naghampang anay sa Japan B. League magluwas lang kay Kiefer Ravena bangud nagpaidalom ini sa operasyon bangud sang iya nga wisdom tooth.
Yara sa hampang sanday Dwight Ramos, Bobby Ray Parks, Jr. kag Thirdy Ravena.
Ang PBA stars naman nga makaupod sa hampang amo ang reigning MVP nga si Scottie Thompson kag ang iya Barangay Ginebra teammates nga sanday Japeth Aguilar kag Jamie Malonzo, CJ Perez sang San Miguel Beer, Roger Pogoy, Calvin Oftana kag Poy Erram sang TNT, kag Arvin Tolentino sang NorthPort.
Magluwas kay Kouame, yara man si Kevin Quiambao sang La Salle nga amo ang isa pa ka collegiate star nga makaupod sa squad. ##
