ILOILO CITY – Wala na sang dugang nga baboy nga napatay sa banwa sang New Lucena, Iloilo bangud sang African swine fever.
17 tanan ka mga baboy sang isa ka hog raiser ang gin-ubos pamatay sa Barangay Badiang sang amo nga banwa.
Sa interview sang Bombo Radyo kay New Lucena, Iloilo Mayor Liecel Mondejar Seville, iya ginpahayag nga sang aga, duha ka mga baboy ang napatay kag ginsundan pa sang hapon.
Pagkagab-i, gin-ubos nalang pamatay ang nabilin nga mga baboy.
Suno pa sa alkalde, wala na ginpaidalom pa sa test ang baboy bangud nga boluntaryo man nga nagpasugot ang tag-iya nga pang patyon nalang.
Ang amo nga lugar ang malayo sa iban pa nga mga pamalay.
Ang sakop sang 0.50 kilometers ang yara lang sa amo nga barangay.
Sa subong, wala na sang may gin-report nga nagamasakit nga baboy ukon may napatay.
Padayon sa gihapon ang surveillance sa 0.50 kilometer-radius halin sa infected area.
Yara sa gihapon ang border control sang banwa sa mga entry points kag activated na ang ASF task force sa tagsa ka mga barangay.
