Gina-trabaho subong ang collaboration sa tunga sang Philippine Basketball Association kag sang National Basketball League sang Australia — ang duha sa pinakagulang nga liga sa Asia-Pacific region.
Suno kay Philippine Basketball Association commissioner Willie Marcial, mismo ang National Basketball League of Australia ang nagpakig-angot sa liga sang Pilipinas para sa posible nga partnership.
Lakip sa lauman amo ang potential exhibition game ukon isa ka All-Star selection batok sa team sang Australia.
Nadiskusyunan man suno kay Marcia ang pagbutang sang clinics kag outreach programs para sa coaches kag referees.
Kun matandaan, ang National Basketball League amo ang nangin household name para sa Filipinos matapos nga naghampang si Kai Sotto sa Australia para sa Adelaide 36ers.
Yara na subong si Sotto sa iya ikaduha nga season sang amo nga liga.
Yara man si Brian Goorjian nga amo ang most successful coach sa National Basketball League history nga may anum ka championships kag subong naga-compete sa Philippine Basketball Association.
