ILOILO CITY – Nagasugod na sa pagbaton ang Regional Civil Security Unit Region VI sang mga aplikante para sa pagkuha sang retailers’ permit sa mga manugbaligya sang palupok kag iban pa nga pyrotechnic devices.
Sa interview sang Bombo Radyo kay Police Lieutenant Colonel Robert Petate, pinuno sang nasambit nga talatapan, iya ginpahayag nga nagabaton gid lamang sila sang mga aplikante nga nakabaligya na sang palupok sang nagligad nga mga tinuig.
Ini ang santo sa ginpagwa nga Executive Order No. 28 ni anay Presidente Rodrigo Duterte.
Wala sang gindugang nga requirements ang talatapan para sa mga aplikante.
Base sa Republic Act 7183 ukon ang “An Act Regulating the Sale, Manufacture and Use of Firecrackers and Other Pyrotechnic Devices, and the promotion of health and safety and general welfare,” ang mga palupok nga mahimo nga ibaligya amo ang mga masunod:
-baby rocket,
-Bawang,
-El Diablo,
-Judah’s Belt,
-Paper Caps,
-Pulling of Strings,
-Sky Rocket ukon pwitis,
-gagmay nga triangulo
-pyrotechnic devices kaangay sang Butterfly, Fountain, Jumbo Regular, Luces, Mabuhay, Roman Candle, Sparklers, Tromplillo, Whistle Devices kag fireworks
Kanselahon ang permit sang mga madakpan nga retailers nga magalapas sa pagsulundan.
