ILOILO CITY – Personal nga nagpadulong si Iloilo City Lone District Representative Jamjam Baronda sang nagligad nga semana sa opisina ni Department of Public Works and Highways Secretary Manuel Bonoan agud nga ipalab-ot ang problema sa Ungka flyover.
Sa interview sang Bombo Radyo kay Baronda, iya ginpahayag nga ginpangabay niya kay Secretary Bonoan nga matapos na ang pagkay-o sang flyover antes ang Dinagyang Festival.
Suno pa kay Baronda, magadugang sang pile ang ahensya sa taytay agud nga magpareho sa pihak nga side.
Nagpasalig man ang ahensya sa iya nga magadugang sila sang budget kag maga-hire sang dugang nga eksperto agud nga magtan-aw sang nasambit nga flyover.
Base sa sitwasyon suno kay Baronda, imposible na nga madayon sa Disyembre ang liwat nga pagbukas sini.
