ILOILO CITY – Ginpaidalom na sa red zone ang banwa sang Alimodian kag Sta. Barbara, Iloilo bangud sa nagadamo pa nga mga barangay ang apektado sang African swine fever.
Ini matapos nga nagpositibo ang blood sample nga nakuha gikan sa Barangay Coline, Alimodian, Iloilo sang Nobyembre 25.
Nagpositibo man sa African swine fever ang blood sample nga nakuha sa Barangays San Sebastian, Tigtig, Buyo, Café, kag Nasugban.
Sa ginpagwa nga Executive Order No. 460-D series of 2022 ni Iloilo Governor Arthur Defensor, Jr., ginadumili-an ang pagpagwa kag pagpasulod sang buhi nga mga baboy, karne sang baboy kag by-products sini kag swine genetic materials sa duha ka mga banwa.
Una na nga ginpaidalom sa red zone ang mga banwa sang Oton, San Miguel, Leganes kag New Lucena, Iloilo.
