Nagtakop ang hampang sang Germany kag Costa Rica sa skor nga 4-2.
Apisar daog batok sa Costa Rica, huyhuy ang abaga sang four-time World Cup champion nga Germany bangud eliminated na sila sa 2022 World Cup tournament.
Ini bangud sa Group E, patas sila sang Spain nga yara sa apat ka puntos apang ang Spain ang magaabanse sa round of 16 bangud sa goal difference.
Daku ini nga kalutusan sa Germany bangud sang 2014, sila ang nagdaog sa World Cup apang na-eliminate sa duha ka sunod-sunod nga group stages.
Third placer man ang national team sang 2010 kag runner-up sang 2002.
Yari ang kabug-usan nga puntos sa Group E:
JAPAN – 2 wins, 0 draw, 1 loss – 6 points
SPAIN – 1 win, 1 draw, 1 loss – 4 points
GERMANY – 1 win, 1 draw, 1 loss -4 points
COSTA RICA – 1 win, 0 draw, 2 losses – 3 points
