Abanse na sa knockout stage ang Japan matapos ginlutos ang anay FIFA World Cup Champion nga Spain sa bag-o lang gid nagtakop nga hampang, 2-1.
Ginpierde sang Japan ang Spain sa ila hampang nga ginpatigayon sa Khalifa International Stadium kun sa diin naghimo man ini sang daku nga upset sang nagligad nga semana kag ginlutos man ang former World Cup Champion nga Germany.
Ang naka-score para sa Japan amo sanday Ritso Doan sa 48th minute, kag Ao Tanaka sa 51st minute.
Sunod nga atubangon sang Japan ang 2018 runner-up nga Croatia sa knockout rounds.
Apisar nalutos sang Japan ang Spain, maga-abanse man ini sa knockout stage kag sunod nga atubangon ang Morocco.
Ini bangud patas sila sang Germany nga yara sa apat ka puntos apang ang Spain ang magaabanse sa last 16 bangud sa goal difference.
Yari ang kabug-usan nga mga puntos sa Group E:
JAPAN – 2 wins, 0 draw, 1 loss – 6 points
SPAIN – 1 win, 1 draw, 1 loss – 4 points
GERMANY – 1 win, 1 draw, 1 loss -4 points
COSTA RICA – 1 win, 0 draw, 2 losses – 3 points
